Балалардың саусақ моторикасын дамытады, ойлау қабілетін дамытады. Бұл жерге келген балалар құмға салу арқылы іштегі құпияларын жеткізе алады.

Кішкентай күрескерлер дзю-до ойынының дайындық әрекеттерінде тәсілдердің кең ауқымына, қарсыластың шабуыл әрекеттеріне қарсы қорғану мен қарсы шабуыл тәсілдер нұсқаларын жетік меңгереді. Дзю-до бүкіл дененің толықтай иілуін қамтамасыз етеді.

Баланың шығармашылықтарын, есте сақтау қабілетін, түрлі-түсті бояулар арқылы қиялын дамыта отырып, сурет өнеріне баулу арқылы танымын қалыптастыруды көздейді.

Үйірменің басты мақсаты – оқушыларды тәтті әрі дәмді кондитерлік өнімдерді дайындауға үйрету, аспаздық өнердің қыр-сыры мен әлем халықтарының дәмханасымен таныстыру, осыған қоса дұрыс тамақтану негіздерін насихаттау.

Би қимылдарын меңгерумен қоса, баланың иілгіштік қабілетін шыңдау арқылы дененің дұрыс бітімін қалыптастыруды көздейді.

Балалар фортепианода ойнап үйреніп, ешқашан мәнін және тыңдарманын жоғалтпайтын бірден-бір өнер саласы классикалық музыкамен танысады. Симфониялық туындыларды тыңдау баланың жанына да, тәніне де оң әсерін тигізеді.

Вокал үйірмесі ән айту техникасын жетілдіру арқылы көркемдік талғамды дамытумен қатар, вокал мәдениетін қалыптастыруға жетелейді.

Қазақтың киелі қара домбырасының қасиетін ұғындыруды, оқушының орындаушылық қабілетін шыңдау арқылы қол моторикасын дамытуды эстетикалық тәрбие беруді мақсат етеді.үйірмеге қатысқан оқушы қазақтың танымал күйлерін меңгеріп шығады.

Балалардың жан-жақты дамуы үшін пікірсайыс өте қажет. Балалар кез-келген тақырыптағы ойын жүйелі, қысқа да нақты, шешендік қабілет арқылы жеткізуге үйренеді. Дебатқа қатысатын оқушы өмірге, қоршаған ортаға сын көзбен қарап, оның дамуына үлес қоса алатын тұлға болып қалыптастады.

Ойынның әдіс-тәсілдерін үйрету арқылы ептілік, жылдамдық, шыдамдылық қабілеттерін шыңдау және еңбек тәрбиесіне баулуды көздейді.

Оқушыларға волейбол ойынында допты төменнен қабылдау әдіс-тәсілдерін толығымен меңгерту, қимыл-қозғалыс әрекетін қалыптастырып дамыту арқылы ептілікке, шапшаңдыққа баулу.

Робототехника – бірқатар қиын техникалық пәндерді оқушыларға үйретуде керемет құрал. Мұнда оқушылардың тек логикалық ойлау қабілетін жетіліп қана қоймай, сонымен қатар, математикалық, алгоритмдік жалпы қабілеттері мен электронды сызбаларды түсіну, өз ойын нақты және дұрыс жеткізу, проблемаларды түрлі жолдармен шешу, топпен жұмыс жасау секілді басқа да зерттеушілік біліктіліктерін де дамытады. Нәтижесінде оқушылар өз жобаларын жүзеге асыра алады.

Қазіргі күні информатика пәні компьютерлік сауаттылықты қалыптастыру шеңберінде ғана құрылуы жеткіліксіз. Бағдарламалау – әр баланың өзіндік ойлау, қабылдау ерекшеліктерін ескере отырып, бойындағы логикалық қабілеттерін дамыту мақсатында, бағдарламалау технологиясы туралы түсінік қалыптастыру, бағдарлама құрастырудың тиімді әдістерін үйрету негізінде құрылды.

Танымал спорт түрі оқушының денесінің шынығуы арқылы, ой-өрісінің дене бітімінің дұрыс қалыптасып, дамуына ықпал етеді.

Оқушының шығармашылық ізденіс пен өзіндік қабілеттерін дамыта отырып, өз ойын әдеби тілмен өрнектеуге машықтандырады.

Бадминтон – спорттың ең жылдам түрінің бірі. Бадминтонмен айналысқан балалардың ең алдымен шапшаңдық, күшті, ептілік пен иілгіштік, икемділік қасиеттері дамиды.

Жүзу үйірмесі оқушы дене бітімінің дұрыс қалыптасуын қамтамасыз ете отырып, икемділік, төзімділік пен шапшаңдыққа үйретеді. Баланың қимыл үйлесімділігін жетілдіру арқылы бұлшық етін қатайтады.

Оқушылардың дүниетанымдық көзқарастарының жаңа қырын ашуға, фотоаппаратпен жүйелі жұмыс жүргізуге, эстетикалық талғам мен фотосуреттердің мағыналық жағын зерттеуге баулиды.

Креативті орталығымызда оқушыларымыз, әсіресе, қыз балаларымыз тігіншілік өнердің негізімен танысып, дизайнерлік кәсіптің қыр-сырын үйренеді. Өздерінің қызығушылығын тудырған киім түрлерін тігіп үйренеді.

Бала алғашқы жаттығудан-ақ, барлық жүк өзіне артылатынын түсінеді.Бұл спорт түрі жауапкершілікке үйретеді. Барлық топтағы бұлшықеттің бірдей дамуына ықпал етеді Бұл спорт «бәсекелестік рухын» оятады, жас спортшы тек кортта емес, отбасыда, оқуда бірінші болуға тырысады.Жауапкершілікке, зейінділікке, табандылыққа үйретеді.