Біздің мектепте кәсіби бағдар беру — бұл жай ғана мамандық немесе университет таңдау емес, оқушының академиялық және кәсіби тұлға ретінде қалыптасуына көрсетілетін ұзақ мерзімді қолдау. Біз әрбір түлектің өз бойындағы мықты қасиеттерін, кәсіби қызығушылықтары мен білім алу мүмкіндіктерін анық түсініп, болашаққа деген нақты іс-қимыл жоспарының болуын мақсат етеміз.
Әрбір оқушының болашақты саналы түрде таңдауына көмектесеміз: алғашқы кәсіби қызығушылықтан бастап, университетке қабылданғаны туралы ресми хат алғанға дейін.
Кәсіби бағдар беру және университетке түсу жұмысы мектеп канселоры, психологтар, мұғалімдер мен ата-аналардың тығыз ынтымақтастығына негізделген.
Канселор университетке түсу стратегиясына, жоғары оқу орындарымен байланыс орнатуға, оқу бағдарламаларын таңдауға және құжаттарды рәсімдеуге жауапты.
Психологтар оқушылардың мамандық таңдауға саналы түрде келуіне, кәсіби бағдар беру диагностикасынан өтуіне және бойдағы үрейді жеңуге көмектеседі.
Мұғалімдер мен сынып жетекшілері ұсыныс хаттар жазуға, академиялық жетістіктерді қадағалауға және оқушының бейіндік профайлын (портфолиосын) қалыптастыруға қатысады.
Мектеп ата-аналарды әрбір кезеңде бірлесе әрекет етуге шақырады: ол үшін арнайы кездесулер, инфосессиялар мен семинарлар өткізіліп тұрады.
Диагностика: тұлғалық тип, мотивация, ақпаратты қабылдау арналары, кәсіби бағдар тесті, оқу дағдылары
Өзін-өзі анықтау және үрейді жеңумен жұмыс: оқушының өз қалауын түсінуіне көмектесу және болашақ алдындағы қорқынышты азайту.
Soft skills дамыту: коммуникация (байланыс орнату), өзіне деген сенімділік, сыни ойлау.
Әр оқушымен бетпе-бет жұмыс істеу және жеке кеңес беру.
Түсетін елді, отбасылық бюджетті және оқушының білім деңгейін ескере отырып, тиімді жоспар құру.
Оқушының қалауына сай ЖОО-лар мен грант мүмкіндіктерін іріктеу.
Мотивациялық эсселер, анкеталар, түйіндеме және ұсыныс хаттарды сауатты әзірлеуге көмектесу.
Университеттерді мектепке шақыру және тікелей кездесулер өткізу.
Студенттерді тарту және білім беру саласындағы заманауи трендтерді бақылау мақсатында беделді форумдарға (IC3, EducationUSA) қатысу.
Университеттермен орнатылған ынтымақтастықты нығайту және жаңа мүмкіндіктер ашу.
Барлық маңызды ақпаратты пошталық таратылымдар (рассылка) және Telegram-арна арқылы жедел жеткізу.
Оқушылар мен ата-аналарға арналған арнайы кездесулер мен ақпараттық күндер ұйымдастыру.
Біз белсенді дайындықты 9–10 сыныптанбастауға кеңес береміз. Бұл кезеңде болашақ бағытты, түсетін елдерді айқындап, академиялық портфолио жинақтауды бастау маңызды. Дегенмен, ЖОО таңдау процесі бала үшін стрессіз әрі саналы болуы үшін, біздің мектепте кәсіби бағдар берудің алғашқы элементтері 7–8 сыныптан-ақ басталады.
Иә, әрине. Біз оқушыларымыздың шетелдік ЖОО-лармен қатар, Қазақстанның жетекші университеттеріне (соның ішінде Назарбаев Университеті, ҚБТУ, КИМЭП, ҚазҰУ және т.б.) түсуіне толықтай қолдау көрсетеміз. Мектеп канселоры мен мамандар командасы оқушыларға ҰБТ тапсыру ережелерін түсінуге, мемлекеттік гранттар конкурсына қатысуға, ішкі емтихандардан өтуге және барлық қажетті құжаттарды сауатты рәсімдеуге көмектеседі.
Иә, халықаралық бағыт — біздің мектептің ең мықты тұстарының бірі. Мектеп канселоры (Career & College Counselor) оқушыны АҚШ, Канада, Еуропа және Азия университеттеріне түсудің барлық кезеңінде толықтай сүйемелдейді. Біз тиімді ел мен оқу бағдарламасын таңдауға, бюджетті есептеуге, мықты түйіндеме мен мотивациялық эссе жазуға, мұғалімдерден ұсыныс хаттар жинауға, сондай-ақ шетелдік ЖОО-лардың ішкі гранттары мен стипендияларына құжат тапсыруға көмектесеміз.
Кәсіби бағдар беру, психологиялық қолдау және ЖОО-ға түсуді сүйемелдеу (колледж-канселинг) бойынша барлық қызметтер ақысыз жүргізіледі және олар мектептің оқу ақысына кіреді. Сырттан ақылы агенттіктер немесе кеңесшілер жалдаудың қажеті жоқ — біздің команда оқушыны соңына дейін толықтай тегін алып жүреді.